Skip to content
Back to Top

Division of Elections

State of Alaska

Use the dropdown menu to translate this page into a supported language.

Search Language Assistance

Yugtun Mumigcisteḿek Ikayungcalleq

Yugtun mumigcistekun ikayuusqekuvet nallunritarkanek-llu piyukuvet wall’u-qaa apcukuvet qaillun Mumigcistengurtellerkan Cucuklirvigmi Calistengurtellerkarpenek, tuqluqiu 1-866-954-8683 (U.S.-ami akilirngailnguq) wall’u-qaa email-arluki wani elections.lap@alaska.gov.

Cucukliryaraliurtet piyuutekaat tamalkuita cucukliryuumalriit Alaska-rmiut cucukliryuumallerkait. Yugtun mumigcisteḿek paivcillrata aperturaa man’a piyuutiit. Makut pingnaqutait maryarcimaut federal-at pisqumataitgun piurcimalleq 1965-ami Voting Rights Act-aggun picirkiurluki Cucukliryaraliurtet mumigcisteḿek ikayuriarkamek yuut qaneryaraitgun five percent-aq cipeskaku cucukliryuumalriit qitevteluaqerciigalkata. State of Alaska-q ilagausngauq Section 203 Voting Rights Act-am apertuumakainun Alaska-m Yuin ayuqenrilnguut qaneryarai pitekluki. December 2020-mi, federal government-am paivtellrui nutarat picirkiurat yuut qaneryaraitnun atalriit 203-akun atuugarkat tusngaarkauluteng minority-t qaneryaraitgun ikayuanarqellrianun.

Nunat apertuumalriit nutarcimalriami Federal Register-aaratni 203-t picirkiuraita Alaska-mi ukuugut:

  • Aleutians East Borough: 
    Yup’ik (Bristol Bay Yup’ik)
  • Aleutians West Census Area: 
    Filipino (Tagalog)
  • Bethel Census Area: 
    Yup’ik (General Central Yup’ik, Nunivak Cup’ig)
  • Bristol Bay Borough: 
    Yup’ik (Bristol Bay Yup’ik)
  • Dillingham Census Area: 
    Yup’ik (Bristol Bay Yup’ik)
  • Kodiak Island Borough: 
    Filipino (Tagalog)
  • Kusilvak Census Area:
    Yup’ik (Chevak Cup’ik, General Central Yup’ik, Hooper Bay Yup’ik, Norton Sound Kotlik Yup’ik, Yukon Yup’ik)
  • Lake and Peninsula Borough:
    Yup’ik (Bristol Bay Yup’ik)
  • Nome Census Area:
    Yup’ik (General Central Yup’ik, Norton Sound Kotlik Yup’ik)
  • North Slope Borough:
    Inupiat (Northern Inupiat)
  • Northwest Arctic Borough:
    Inupiat (Northern Inupiat)

Qayuwa Ikayuucuumasit?

Cucukliryaraliurtet calistekangetuut mumigciyuumalrianek cucukliryarat nallairaqata pavicitnaluki cucuklirtet Yugtun mumigcisteḿek. Puqikuvet Kass’atun Alaska-m-llu Yuin qaneryaraita iliitgun, wall’u-qaa Tagalog-aatun, mumigcistengurcukuvet cucuklirtet wall’u-qaa cucukliryaurculriit ikayurluki, nallunritnarqellrianek paivcistenguluteng wall’u-qaa cucuklirvigmi calistenguluten, tuqluqiu Language Assistance Office-at mumigciyuumalriim cucuklirvigmi calistekam imirarkaa imirluku ayagcelluku-llu.

Cakucinek ikayuutnek yuut qaneryaraitgun Alaska-q paivcitua?

Alaska-m Language Assistance Program-aan paivcetui alngaucimalriit mumigtat erinairat-llu qaneryarat nutemllat alngaucimalriit cali alngaucimallrunrilnguut. Ilait kalikat caliaqumallrit erinairat-llu taqumataciit ayuqenritut. Mumigciyuumalriit paivngaciqut Cucukliryaram Erenrani. Cucukliryaraliurtet paivcituut yugtun mumigcistenek tumekluki mumigcistet ikayuritulit cucuklitulinun wall’u-qaa cucukliryaurculrianun, nallunritarkanek paivcilriatgun, mumigciyuumalriit cucuklirvigmi calitulitgun, cali mumigcistekun nunacuarni mumigcisteryulriani. Division-aq paivcituuq-llu mumigcimalrianek cucukliryaramek nallunritarkat erinairaitnek mumigcimalrianek-llu Public Service Announcement-aanek. Alaska-m Yuin qaneryaraitgun wall’u-qaa Tagalog-aatun ikayungqellerkaq mumigciyuumalriakun paivngaciquq cucukliinanratni. Mumigciyuumalriit cucuklirvigmi calistet ikayuryuumait cucuklitulit, wall’u-qaa cucuklitulit cucukekngameggnun ikayurcecuumaut ikayurtekaat cucukecetaalriarunrilkan, calivikenrilkaku, calivigpet pistekenrilkaku, wall’u-qaa union-arpet calistekenrilkaku. Cucukumalria ikayurtekaq iteryuumauq imirivigmun malikluku cucuklirta ikayurnaluku imiqaku cucuklircuutni.

Computer-aami neggluku alngausngalria qaneryarat iliit tangerrsukuvki paivngalriit ikayuutekat taumi qaneryarami.