Use the dropdown menu to translate this page into a supported language. Search Language Assistance Selected Language Bristol Bay Yup’ikCuut Qalarcaraitgun IKayuriyaraq (Chevak Cup´ik)EnglishFilipino (Tagalog)Nunivak Cup’igYuut Qalarcaraitgun Ikayullrit (General Central Yup’ik)Yuut Qalarcaraitgun Ikayuriyaraq (Hooper Bay Yup’ik)Yuut Qalarcaraitguy Ikayullrit (Yukon Yup’ik)Yuut Qalarrsaraitgun Ikasullrit (Norton Sound Kotlik Yup’ik) Translate If you are human, leave this field blank. Yugtun Mumigcisteḿek Ikasungcalleq Yugtun mumigcistekun ikasuusqekuvet nallunritarkanek-llu pisukuvet wall’u-qaa apcukuvet qaillun Mumigcistenguurtellerkan Cucuklirvigmi Calistengurtellerkarpenek, tuqluqiu 1-866-954-8683 (U.S.-ami akilirngailnguq) wall’u-qaa email-arluki wani elections.lap@alaska.gov. Cucuklirsaraliurtet pisuutekaat tamalkuita cucuklirsuumalriit Alaska-rmiut cucuklirsuumallerkait. Yugtun mumigcisteḿek paivcillrata aperturaa man’a pisuutiit. Makut pingnaqutait marsarcimaut federal-at pisqumataitgun piurcimalleq 1965-ami Voting Rights Act-aggun picirkiurluki Cucuklirsaraliurtet mumigcistemek ikasuriarkamek yuut qanersaraitgun five percent-aq cipeskaku cucuklirsuumalriit qitevteluaqerciigalkata. State of Alaska-q ilagausngauq Section 203 Voting Rights Act-am apertuumakainun Alaska-m Yuin asuqenrilnguut qanersarai pitekluki. December 2020-mi, federal government-am paivtellrui nutarat picirkiurat yuut qanersaraitnun atalriit 203-akun atuugarkat tusngaarkauluteng minority-t qanersaraitgun ikasuanarqellrianun. Nunat apertuumalriit nutarcimalriami Federal Register-aaratni 203-t picirkiuraita Alaska-mi ukuugut: Aleutians East Borough: Yup’ik (Bristol Bay Yup’ik) Aleutians West Census Area: Filipino (Tagalog) Bethel Census Area: Yup’ik (General Central Yup’ik, Nunivak Cup’ig) Bristol Bay Borough: Yup’ik (Bristol Bay Yup’ik) Dillingham Census Area: Yup’ik (Bristol Bay Yup’ik) Kodiak Island Borough: Filipino (Tagalog) Kusilvak Census Area: Yup’ik (Chevak Cup’ik, General Central Yup’ik, Hooper Bay Yup’ik, Norton Sound Kotlik Yup’ik, Yukon Yup’ik) Lake and Peninsula Borough: Yup’ik (Bristol Bay Yup’ik) Nome Census Area: Yup’ik (General Central Yup’ik, Norton Sound Kotlik Yup’ik) North Slope Borough: Inupiat (Northern Inupiat) Northwest Arctic Borough: Inupiat (Northern Inupiat) Qayuwa Ikasuucuumasit? Cucuklirsaraliurtet calistekangetuut mumigcisuumalrianek cucuklirsarat nallairaqata paivcitnaluki cucuklirtet Yugtun mumigcisteḿek. Puqikuvet Kass’atun Alaska-m-llu Yuin qanersaraita iliitgun, wall’u-qaa Tagalog-aatun, mumigcistengurcukuvet-llu cucuklirtet wall’u-qaa cucuklirsaurculriit ikasurluki, nallunritnarqellrianek paivcistenguluteng wall’u-qaa cucuklirvigmi calistenguluten, tuqluqiu Language Assistance Office-at mumigcisuumalriim cucuklirvigmi calistekam imirarkaa imirluku asagcelluku-llu. Cakucinek ikasuutnek yuut qanersaraitgun Alaska-q paivcitua? Alaska-m Language Assistance Program-aan paivcetui alngaucimalriit mumigtat erinairat-llu qanersarat nutemllat alngaucimalriit cali alngaucimallrunrilnguut. Ilait kalikat caliaqumallrit erinairat-llu taqumataciit ayuqenritut. Mumigcisuumalriit paivngaciqut Cucuklirsaram Erenrani. Cucuklirsaraliurtet paivcituut yugtun mumigcistenek tumekluki mumigcistet ikasuritulit cucuklitulinun wall’u-qaa cucuklirsaurculrianun, nallunritarkanek paivcilriatgun, mumigcisuumalriit cucuklirvigmi calitulitgun, cali mumigcistekun nunacuarni mumigcistersulriani. Division-aq paivcituuq-llu mumigcimalrianek cucuklirsaramek nallunritarkat erinairaitnek mumigcimalrianek-llu Public Service Announcement-aanek. Alaska-m Yuin qanersaraitgun wall’u-qaa Tagalog-aatun ikasungqellerkaq mumigcisuumalriakun paivngaciquq cucukliinanratni. Mumigcisuumalriit cucuklirvigmi calistet ikasursuumait cucuklitulit, wall’u-qaa cucuklitulit cucukekngameggnun ikasurcecuumaut ikasurtekaat cucukecetaalriarunrilkan, calivikenrilkaku, calivigpet pistekenrilkaku, wall’u-qaa union-arpet calistekenrilkaku. Cucukumalria ikasurtekaq itersuumauq imirivigmun malikluku cucuklirta ikasurnaluku imiqaku cucuklircuutni. Computer-aami neggluku alngausngalria qanersarat iliit tangerrsukuvki paivngalriit ikasuutekat taumi qanersarami. Yugtun Mumigcisteḿek Ikayungcalleq (Bristol Bay Yup’ik)Cugtun Mumigcisteḿeng Ikayungcalleq (Chevak Cup’ik)Yugtun Mumigcisteḿek Ikayungcalleq (General Central Yup’ik)Yugtun Mumigcisteḿeng Ikayungcalleq (Hooper Bay Yup’ik)Northern InupiaqYugtun Mumigcisteḿek Ikasungcalleq (Norton Sound Kotlik Yup’ik)Cugtun Qantulimeg Ukisqangcall’er (Nunivak Cup’ig)Tulong sa Linguahe (Tagalog)Yugtun Mumigcisteḿek Ikayungcalleq (Yukon Yup’ik)