Use the dropdown menu to translate this page into a supported language. Search Language Assistance Selected Language Bristol Bay Yup’ikCuut Qalarcaraitgun IKayuriyaraq (Chevak Cup´ik)EnglishFilipino (Tagalog)Nunivak Cup’igYuut Qalarcaraitgun Ikayullrit (General Central Yup’ik)Yuut Qalarcaraitgun Ikayuriyaraq (Hooper Bay Yup’ik)Yuut Qalarcaraitguy Ikayullrit (Yukon Yup’ik)Yuut Qalarrsaraitgun Ikasullrit (Norton Sound Kotlik Yup’ik) Translate If you are human, leave this field blank. Yugtun Mumigcisteḿek Ikayungcalleq Yugtun mumigcisteḿek ikayungcaryukuvet nallunritarkanek-llu kangingnauryukuvet wall’ apqauryukuvet qaillun Mumigciyugngalriaruluten Cucuklirvigmi Calistengurtellerkarpenek, qayagauqiu 1-866-954-8683 (U.S.-aam iluani akiliryarailnguq qayagaurcuun) wall’ email-arluki wani elections.lap@alaska.gov. Division of Elections-aat piyuutekaat tamalkuita cucukliryugngalriit Alaska-rmiut cucukliryugngallerkaat. Yuut qalarcaraitgun mumigciyugngalrianek paivcillrata nallunairaa man’a piyuutiit. Makut pingnaqutait paivcimaut anguyagtem picirkiurai maligtaquluki piurcimallret 1965 Voting Rights Act-amun tapeqluki. Picirkiuraata Division of Elections-aat paivciarkaurcetellrui yuut qalarcaraitgun mumigciyugngalrianek five percent-am amllenri cucukliryugngalriit Kass’atun qitevteluaqerciigalkata. State of Alaska-q ilausngauq Section 203 Voting Rights Act-am apertuumakainun Alaska-m Yuin ayuqenrilnguut qaneryarait pitekluki. December 2020-mi, anguyagtem paivtellrui nutarat picirkiurat yuut qaneryaraitnun atalriit 203-aakun atuugarkat tusngaarkauluteng yugnun amllenrilngurnun qaneryaramegteggun ikayurnarqellrianun. Nunat elitaqumalriit nutarcimalriami Federal Register-aarat 203-aam picirkiurait Alaska-mi ukuugut: Aleutians East Borough: Yup’ik (Bristol Bay Yup’ik) Aleutians West Census Area: Filipino (Tagalog) Bethel Census Area: Yup’ik (General Central Yup’ik, Nunivak Cup’ig) Bristol Bay Borough: Yup’ik (Bristol Bay Yup’ik) Dillingham Census Area: Yup’ik (Bristol Bay Yup’ik) Kodiak Island Borough: Filipino (Tagalog) Kusilvak Census Area: Yup’ik (Chevak Cup’ik, General Central Yup’ik, Hooper Bay Yup’ik, Norton Sound Kotlik Yup’ik, Yukon Yup’ik) Lake and Peninsula Borough: Yup’ik (Bristol Bay Yup’ik) Nome Census Area: Yup’ik (General Central Yup’ik, Norton Sound Kotlik Yup’ik) North Slope Borough: Inupiat (Northern Inupiat) Northwest Arctic Borough: Inupiat (Northern Inupiat) Qaillun Ikayuucugngasit? Division of Elections-aat calistekanek cucuklilartut mumigciyugngalrianek cucukliryarat nallairaqata paivcitnaluki cucuklirtet yuut qalarcaraitgun mumigciyugngalrianek. Puqikuvet Kass’atun Alaska-m-llu Yuin qaneryaraita iliitgun, wall’ Tagalog-aatun, calistengurcukuvet cucukliryaurrnaluteng imirilriani mumigciyugngalriaruluten piyunarquciliumalriaruluten-llu, nallunritnarqellrianek paivcistenguluten wall’ cucuklirvigmi calistenguluten, qayagauqiki Language Assistance Office-aat caliviat mumigciyugngalriim cucuklirvigmi calistekam imirarkaan imiumallerkaanek tuyuqumallerkaanek-llu. Cakucinek ikayuutnek yuut qalarcaraitgun Alaska-q paivcilarta? Alaska-m Language Assistance Program-aara paivcilartuq mumigcimalrianek igausngaluteng cucukliryaram kalikanek erinairanek-llu qaneryarat nutemllaat igausngalriit igausnganrilnguut-llu pikaitnek.Ilait kalikat caliaqumallrit erinairat-llu taqumataciit ayuqenritut. Mumigciyugngalriit paivngaciqut Cucukliryaram Erenrani. Division of Elections-aat-llu paivcilartut yuut qalarcaraitgun mumigciyugngalrianek tumekluki piyunarquciliumalriit calistet cucukliryaurrnaluteng imirilrianun, nallunritnarqellrianek paivcistetgun, cucuklirvigmi calistetgun mumigciyugngalriatgun, nunani-llu mumigcistekanek mumigcisteryulriani. Division-aaq-llu paivcilartuq mumingqalrianek cucukliryaramek nallunritarkat erinairaitnek mumingqalrianek-llu Public Service Announcement-aanek. Alaska-m Yuin qaneryaraitgun wall’ Tagalog-aatun ikayungqellerkaq paivngaciquq mumigciyugngalriatgun cucukliryaram piyarain qaingani. Mumigciyugngalriit cucuklirvigmi calistet ikayuryugngait cucuklitulit, wall’ cucuklitulit cucukekngameggnek ikayurtekameggnek piyugngaut yuk tauna cucukecetaalriarunrilkan, calivikenrilkaku, calivian pistekenrilkaku, wall’ union-aarata pistekenrilkaku. Cucukumalria ikayurtekaq iteryugngauq cucuklircuutḿek imirivigmun maliggluku cucuklirta ikayurnaluku imiqaku cucuklircuutni. Computer-aami neggluku iliit qaneryarat tangerrsukuvgu paivcimalria ikayuutekaat taumi qaneryarami. Yugtun Mumigcisteḿek Ikayungcalleq (Bristol Bay Yup’ik)Cugtun Mumigcisteḿeng Ikayungcalleq (Chevak Cup’ik)Yugtun Mumigcisteḿek Ikayungcalleq (General Central Yup’ik)Yugtun Mumigcisteḿeng Ikayungcalleq (Hooper Bay Yup’ik)Northern InupiaqYugtun Mumigcisteḿek Ikasungcalleq (Norton Sound Kotlik Yup’ik)Cugtun Qantulimeg Ukisqangcall’er (Nunivak Cup’ig)Tulong sa Linguahe (Tagalog)Yugtun Mumigcisteḿek Ikayungcalleq (Yukon Yup’ik)