Use the dropdown menu to translate this page into a supported language. Search Language Assistance Selected Language Bristol Bay Yup’ikCuut Qalarcaraitgun IKayuriyaraq (Chevak Cup´ik)EnglishFilipino (Tagalog)Nunivak Cup’igYuut Qalarcaraitgun Ikayullrit (General Central Yup’ik)Yuut Qalarcaraitgun Ikayuriyaraq (Hooper Bay Yup’ik)Yuut Qalarcaraitguy Ikayullrit (Yukon Yup’ik)Yuut Qalarrsaraitgun Ikasullrit (Norton Sound Kotlik Yup’ik) Translate If you are human, leave this field blank. Cugtun Mumigcisteḿeng Ikayungcalleq Cugtun mumigcisteḿeng ikayungcaryukuvet nallunritarkaneng-llu kangingnauryukuvet wall’u-qa apqauryukuvet qaillun Mumigciyuumalriaruluten Cucuklirvigmi Calistengurtellerkarpeneng, tuqluqiu 1-866-954-8683 (U.S.-am iluani akiliryarailnguq qayagaurrsuun) wall’u-qa email-arluki wani elections.lap@alaska.gov. Division of Elections-at piyuutekaat tamalkuita cucukliryuumalriit Alaska-rmiut cucukliryuumallerkaat. Cugtun mumigcisteḿeng paivcillrata aperturaa man’a piyuutiit. Makut pingnaqutait paivcimaut kamamam picirkiurai maligtaquluki piurcimallret 1965 Voting Rights Act-amun tapeqluki. Picirkiuraata Division of Elections-at paivciarkaurcitai cugtun mumigcisteḿeng ikayuagiarkameng cuuget qaneryaraitgun five percent-am amllenri cucukliryuumalriit Kass’atun qitevteluaqerciigalkata. State of Alaska-q ilauyngauq Section 203 Voting Rights Act-am apertuumakainun Alaska-m Cuin ayuqenrilnguut qaneryarai pitekluki. December 2020-mi, kamamam paivtellrui nutarat picirkiurait cuut qaneryaraitnun atalriit 203-akun atuugarkat tuyngaarkauluteng cugnun amllenrilnguaraulrianun qaneryaramegteggun ikayuanarqelrianun. Nunat apertuumalriit nutarcimalriani Federal Register-aratni 203-t picirkiuraita Alaska-mi ukuugut: Aleutians East Borough: Yup’ik (Bristol Bay Yup’ik) Aleutians West Census Area: Filipino (Tagalog) Bethel Census Area: Yup’ik (General Central Yup’ik, Nunivak Cup’ig) Bristol Bay Borough: Yup’ik (Bristol Bay Yup’ik) Dillingham Census Area: Yup’ik (Bristol Bay Yup’ik) Kodiak Island Borough: Filipino (Tagalog) Kusilvak Census Area: Yup’ik (Chevak Cup’ik, General Central Yup’ik, Hooper Bay Yup’ik, Norton Sound Kotlik Yup’ik, Yukon Yup’ik) Lake and Peninsula Borough: Yup’ik (Bristol Bay Yup’ik) Nome Census Area: Yup’ik (General Central Yup’ik, Norton Sound Kotlik Yup’ik) North Slope Borough: Inupiat (Northern Inupiat) Northwest Arctic Borough: Inupiat (Northern Inupiat) Qaillun Ikayuucuumayit? Division of Elections-at calistekartetuut mumigciyuumalrianeng cucukliryarat nallairaqata paivcitnaluki cucuklirtet Cugtun mumigcisteḿeng. Puqikuvet Kass’atun Alaska-m-llu Cuin qaneryaraita iliitgun, wall’u-qa Tagalog-aatun, calistengurcukuvet-llu mumigciyuumalriaruluten piyunarquciliumalriaruluten cucukliryaurrnaluteng imirilriani, nallunritnarqelrianeng paivcistenguluten wall’u-qa cucuklirvigmi calistenguluten, qayagauqiki Language Assistance Office-at caliviit imirinaluten tuyuqluku-llu imirarkaa mumigciyuumalriim cucuklirvigmi calistekam. Cakucineng ikayuutneng cuut qaneryaraitgun Alaska-q paivcitua? Alaska-m Language Assistance Program-aa paivcituuq cucukliryaram kalikaineng mumingqalrianeng erinairaneng-llu qaneryarat nutemllaat igauyngalriit igauynganrilnguut-llu pikaitneng. Ilait kalikat caliaqumalriit erinairat-llu taqumataciit ayuqenritut. Mumigciyuumalriit paivngaciqut Cucukliryaram Erenrani. Division of Elections-at paivcituut-llu cugtun mumigcisteneng tumekluki piyunarquciliumaluteng calilriit cucukliryaurrnaluteng imirilriani, cucukliryaramek nallunritarkanek paivcilriatgun, mumigciyuumalriatgun cucuklirvigmi calistetgun, mumigicistetgun-llu nunani mumigcisteryulriani. Division-aq paivcituuq-llu mumingqalrianeng cucukliryarameng nallunritarkat erinairaitneng mumingqalrianeng-llu Public Service Announcement-aneng. Alaska-m Cuin qaneryaraitgun wall’u-qa Tagalog-aatun ikayungqellerkaq mumigciyuumalriakun paivngaciquq cucukliryaram piyarain qaingani. Mumigciyuumalriit cucuklirvigmi calistet ikayuryuumait cucuklitulit, wall’u-qa cucuklitulit cucukekngameggnun ikayurcicuumaut ikayurtekaat cucukestalriarunrilkan, calivikenrilkaku, calivigpet pistekenrilkaku, wall’u-qa union-arpet pistekenrilkaku. Cucukumalria ikayurtekaq iteryuumauq cucuklirrsutḿeng imirivigmun malikluku cucuklirta ikayurnaluku imiqaku cucuklirrsuutii. Computer-aami keneggluku igauyngalria qaneryarat iliit tangerrsukuvki paivcimalriit ikayuutekat taumi qaneryarami. Yugtun Mumigcisteḿek Ikayungcalleq (Bristol Bay Yup’ik)Cugtun Mumigcisteḿeng Ikayungcalleq (Chevak Cup’ik)Yugtun Mumigcisteḿek Ikayungcalleq (General Central Yup’ik)Yugtun Mumigcisteḿeng Ikayungcalleq (Hooper Bay Yup’ik)Northern InupiaqYugtun Mumigcisteḿek Ikasungcalleq (Norton Sound Kotlik Yup’ik)Cugtun Qantulimeg Ukisqangcall’er (Nunivak Cup’ig)Tulong sa Linguahe (Tagalog)Yugtun Mumigcisteḿek Ikayungcalleq (Yukon Yup’ik)