Alaska Better Cucukliryaraan Aturyaurtellerkaa

Nutaraq Cucukliryaraq

November 2020 Cucuklirpagyarami, cucuklirtet ciuniullruit Ballot Measure No. 2-aq, aprumaluni “Alaska’s Better Elections Initiative.” Uum alerquutngurcugmalriim cimillrui State-am cucukliryaraa Nonpartisan Top Four (Cetaman cucukecetaalriit cucukumallret) cucukliqaraarutmun cucuklirpagyaraq-llu Ranked Choice Voting-amun (Cucuklirypagyarami-llu tungliquurluki naaqutliluki cucuklirluteng).

Cuculircuutem Tangrrutait

Naaqutetgun Tungliquurluki Cucukliryaraq – Nalqigcimaluni

Tungliquurluki Naaqutliluki Cucukliryaram Apqaurutkuratukngait wall’u-qaa FAQ-rit

Cauga Ranked Choice Voting-aq?
Ranked Choice Voting-atgun cucuklirtet piyullermegteggun naaqutliciiqait tungliquutaciitgun cucuklircetaalriit.

Qayuwa Ranked Choice Voting-aq calitua?
Cucukliryarani, cucuklirtet tungliquriciiqut naaqutetgun piyullermegteggun. Cucuklirtet cetamanek cucukecetaalrianek ciutmurutellernek cucukliqaaraarutmun cucukiciqut cucuklircuutnun elliarkanek, wall’u-qaa cucukliryukuneng write-in candidate-amek, piiyuumaut ilakluku-llu cucukecetaalria tungliquurillermeggnun naaqutetgun. Avgem amllenranek cucukumakuni cucuklircetaalria anagkengciquq. Cucukecetaalriartailkan avgem amllenranek naaqeqaarraallratni, naaqenqigtaarturciqut atauciq cucukecetaalria quyinrurnatkaanun. Tuaten piciquq:

Qaillun naaqumaciqat cucuklillret Ciuqlikaacaarmi?
Kiingan cucuklilci ciuqliusqumaluku naaqeciiqait.

  • Cucukecetaalria ciuqliureskuni amllenranek avgem cucuklircuutni tauna cucukecetaalria anagkengciquq
  • Naaqerraallratni cucukecetaalriartailkan anagkengllermek, naaqeciiqaat tunglia.

Qaillun cucuklillret naaqetuitki tungliqliit kinguqliit-llu?
Nangneqliq cucukecetaalria ciuqlia naaqerraarluki au͡gaumaciiquq cucuklirtem-llu tunglia cucukellra nugtarrluku ilaksagulluki cucukecetaalriit cucuklircuutmi. Una cucuklillret naaqenqigqurallrita piyaraa ayagturciquq, cucukecetaalria avgem amllenranek cucukestengnatkaanun. Cucuklirta ataucimek cucuklirarkangqerciquq naaqenqigtaqatki.

Atawaqalriaruuq-qaa tungliquurillrit amllernek cucukarkanek?
Ii-i, tungliquurillritgun cucukecetaalriit, piyukekngan cucukumayuumauq ciuqliusqumakekngan anagkengenrilengraan. Cucukecetaalriit tungliqurillrita cucukellren atuuciquq 2nd, 3rd, 4th, wall’u 5th-atnun cucukellerpet, cucukenqurraan au͡gaumangraan cikiumaluten cucukillerpet iliit anagnatkaanun.

Qayuwa cucuklircuuteka ceterciqsia Ranked Choice Voting-am cucukliryaraani?
Cucuklircuutem iqsulirnerani alngaumaciqut cucuklircetaalriit. Cucukecetaalriit-llu tallirpilirneratni naaqutet tungliquurarkat uitaluteng. Cucuklirtet tungliquuryuumait tamalkuita cucukecetaalriit (pivigkiurumaluku write-in candidate-arkaq) cucukliraqata aturluki imirarkat cucuklircuutmi cucuklilteng maniluki. Cucuklirtet tungliquuriyuumaut amllernek wall’u cucuklircetaalrianek piyullermegteggun. Cucuklirtet tungliquuriyuumilkuneng ilaitnek cucuklircetaalrianek, uitacuumait imirpeknaki.

Cucuklircuutem iqsulirnerani alngaumaciqut cucuklircetaalriit. Cucukecetaalriit-llu tallirpilirneratni naaqutet tungliquurarkat uitaluteng.

Cucuklircuutem Mingugyaraa Ayuqucirtuun: Cucuklirki tungliquurluki cucukecetaalriit piyulten.

  • Tungliquuriyugngauten amllernek wall’u qavcinek cucuklircetaalrianek piyullerpenek
  • Kiingan imirluku atauciq peksurngurngalnguq cucukecetaalriim column-aani
  • Ciuqliusqumaakekngarpet atran column-aarani, imirru peksurngalnguq 1-aq
  • Tunglia cucukekngarpet atran column-aarani imirru peksurngalnguq 2-aaq
  • Pingayuqliat cucukekngarpet atran column-aarani imirru peksurngalnguq 3-aaq, tuatnaurluten
  • Alartellikuvet cimireskiu nutaramek cucuklircuutmek

Qayuwa cucukliriyuumasia write-in candidate-amek?
Cucuklirrcuutmi cucukekngan uitanrilkan, alngautniaran taum atra “write-in-am” cetrani, imirluku-llu kayangurngalnguq tungliquutacirkaacetun.

Cucuklitulimun cat alarcailkutnguat imillranun cucuklircuutem cucuklirpagyarami?

Qec’kariyaqunak cipluku malrugnek tungliquurararkagnek. Tuatnakuvet, kiingan tungliquurluteng pillret taum ciungani naaqumaciqut.
Kitullrit tungliquurarkat

Cucukecetaalriit ayuqluki tungliquuryaqunaki. Tungliquurkuvki ayuqluki, “over-vote”-auciquq “inactive ballot”-aurrluni-llu naliqutciitnaqciqngan tunllerkaa kitumun cucukecetaalriamun.
Cucuklirpallaumalria

Cucukecetaalria tunglilinqigtaaryaqunaku. Cucukekngan tunglilinqigtaaquvgu, waten 1st, 2nd, 3rd, 4th, “tunglilinqigtaalriaruciquq” kiingan-llu quyinqurraq tunglilillren cucukecetaalriamun naaqumaciquq. Tungliqurilleq cucukecetaalriamek ataucirquunrilngurmek atawaqautngunrituq cucukecetaalriamun ayuqluni-llu imiumanrilngurtun kinguqliitnun tungliquurararkanun.
tunglilinqigtaalriaruciquq

Ataucirrarmek-qaa cali cucukecetaalriamek cucukliryuumaunga?
Ii-i. Cucukliriyukuvet civuqliusqumakekngavnek kiingan cucukliryuumauten. Tau͡gken, tungliquurikuvet allanek cucukecetaalrianek cakanircesngaunaku ciuqliusqumakekngan.

Tungliqluki-qaa pikuma allanek cucukecetaalrianek, cimirciqaa-qa ciuqliusqumakekngaqa?
Qang’a. Kiingan ciuqliusqumakekngan naaqumaciquq naaqerraallratnun. Tua-i-llu 2nd, 3rd, 4th allat-llu cucukelten naaqeciiqait kiingan ciuqliusqumakekngan cucukecetaalria anagkengenrilkan.

Cucuklirpagyarami-qaa tamalkuita cucukecetaalriit tungliquurarkauganka?
Qang’a. Piyullerpetun tungliquuriyugngauten amllernek wall’ qavcinek cucukecetaalrianek. Tungliquuriyunrilkuvgu iliit cucukecetaalriit, uitatniaran imirvian column-aa. Ayuqellrianek tungliquuriyaqunak qavcinun cucukecetaalrianun wall’ tamalkuitnek tungliquurtessluku atauciq cucukecetaalria.

Tungliquurikuuma cetamanek cucukecetaalrianek, cucuklillruunga-qaa cetamarqunek?
Qang’a. Ataucirqumek cucuklillren naaqumaciquq. Cucuklillren naaqumaciquq cucukenqegcaarallerpenun au͡gaumanrilngurmun. Cucukenqegcaarallren au͡gaumallinikan, cucukenqegcaarallerpet tunglianun naaqumaciquq.

Cam naaqenqigtaarceciiqaki cucuklilriit?
Cucukecetalriatailkan avgem amllenranek anagkengllermek naaqeraarcelluki cucuklircuutet naaqenqigciiqait.

Qayuwa piciqat pitakekuurqata naaqillratni? Naliat cucukecetaalria ciumuruciiqa? Naliat cucukecetaalria ciumuruciiqa?
Pitatekuuralriartangqerkan cucukecetaalriignek ikgenqurnek cucukesciullregnek, Alaska-m alerquutiini qanrumauq anagtassiircetarkaulukek “by lot”-akun naliik cucukecetaalriik au͡gallerkaagnek cali naliik ciutmurutarkaullranun kinguatnun naaqellerkait. “By lot”-aq kanginqertuq cucukliryaraliurtet atanrat flip a coin-arluni naliak-llu draw straw-rluni. Ayuqeciquq-llu taukuk nangenrak cucukecetaalriik pitatellgutkekagnek.

Qayuwa ayuqeciiqa cucuklirpagyaram atakuani taqkata?
Naaqeqarrallrit cucuklirpagyaram atakuani qanrutekciqait kiingan cucuklirtet ciuqliusqumakekngait. Ciungani cucukliryarallermegcetun tamarmeng naaqeqarraallrit piciurngaitut State Review Board-am piciutassiirnatkaanun cucukliryaraq cali-llu naaqumanatkaatnun tamalkuita absentee cali questioned vote-ait.

Qaku nani-llu naaqiciqat?
Naaqengellrit ayagnirciqut 15-aat erenret cucuklillrem kinguani. Juneau-mi atanrem caliviani naaqeciiqait.

Qaku unaksugngasia Ranked Choice Voting-at cucuklillrata naaqellrit?
Piciutassiirumanrilnguut naaqeqarraallrit Ranked Choice-am cucukliryaraani nallunairumaciqut tamalkuita absentee-t questioned-aarumalriit-llu cucuklircuutet naaqerraarcelluki, state-am alerquutiini qanrumauq 15-aat erenret kinguatni Cucuklirraarcelluki. Naaqellrit piciurgaitut State Review Board-am piciutassiirnatkaanun cucukliryaraq.

Qayuwa nallunrirciqsia qangvaq ciin-llu ciuqliusqumalqa au͡gaumallranek?
Ilakluku nallunairillritni division-am website-aani, naaqellrit-ggun manimaciquq cucukecetaalria anagkenglleq, nallunairutet paivngaciiqut maniluki qavcinek cucukliumallruciitnek cucukecetaalriit tamalkuita ciutmurutaqatki.

Cat calistait cucuklirnaqetuat Ranked Choice Voting-aq aturluku?
Alerqutngurcugmalriim ilakai atanerkaq/ataneruarkaq, U.S. Senator-aq, U.S. Representative-aq, Governor/Lieutenant Governor-aq, tamalkuita-llu state representative-at state senator-at-llu.

Ranked Choice Voting-arkun-qaa cucuklirciqukut cuqcistenek alerqutngurcugmalrianek-llu?
Qang’a. Tamalkurmeng cuqcistengurtenqigculriit alerqutngurcugmalriit-llu cucuklirciqait piyaramegcetun angerluki wall’u-qaa qang’aarluki.

Qaku cucuklirciqat Ranked Choice Voting-aq aturluku?
November 8, 2022 Cucuklirpagyarami.

Ukut-qaa nallunritarkat paivngaciqut allat qaneryaraitetgun?
Ii-i. Nallunritarkat elicautekait-llu mumigcimaciqut paivngaluteng-llu division-am website-aani. Cucuklirtet nallunrirceciiqaput mumigcimarikata.

Kia-llu cali atulartau Ranked Choice Voting-aq?
Akimiaq malrugnek cipluku U.S.-am nunarpautaini ilakluki San Francisco, Santa Fe, Minneapolis-aq-llu atutuut Ranked Choice Voting-amek, Maine-am-llu atutuluku tamalkuitnun federal-at cucukliryaraitnun. Academy Awards-at-llu atutuit.

Assinrulriarunrituq elitengnaqelqa naaqellritgun FAQ-at. Allanek-qa elicarcuutetangqerciquq?
Ii-i. Division-aq paivciciquq elicacuutekaitnek cucukliqarrarpailgata cucuklirpagpailgata-llu upingallerkait cucuklirtet pitekluku mat’umun nutaramun cucukliryaramun. Man’a cucuklirtet elicarcuutekait mumigcimalrianek paivcistet-llu, ayagnillerkaa May 2021-am kiturarkauvkenaku, ilangqerciquq ukunek: video-nek, live chat-anek, elicarilrianek, naaqerkanek, graphic-anek, cucukliruarcuutnek, tv/radio/internet-ani naaqerkanek, mumigcimalrianek ikayutekanek, elicarcuutnek, unaksunarqellrianek-llu ikayuutekaitnek cucuklitulit ikayurnarqellriit.

Cauga Nonpartisan Top Four cucukliqaraaryaraq? (Political Party-tgun apertuumavkenateng Cetaman cucukecetaalriit cucukumallret)
Ataucirrauciquq cucuklircuun, allakaumavkenateng political party-tgun tamarmeng-llu cucukecetaalriit alngaucimaluteng. Ataucimek cucuklircetaalriamek cucuklirciqut, political party-t naliitnun ilagautellrat nagutekevkenaku.
Cetaman cucuklircetaalriit amllenritgun cucukumallret cucuklirpagyarami alngausngaarkauluteng. Cucukecetalriit political party-nun ilagausngaciit alngaucimanrirciqut cucukliqarraarutmi.

Cetaman nurrluku cucukecetaalriartangqerraqan qaillun piarkaugat?
Tamarmeng cucukecetaalriit egmiuciiqait cucuklirpagyaramun.

Qaku Nonpartisan Top Four cucukliryaraq aturyaurciiqatgu?
Cucukliqaarraaryarami August 16, 2022-ami.

Naliitnun-qa political party-nun ilagausngallma qaillun cucukliryuumalqa cakaniutekciqaa?
Qang’a. Tamarmeng cucukecetaalriit alngaucimaciqut cucuklircuutmi cucuklitulit-llu cucukiyuumaluteng kemyukekmeggnek naliitnun political party-nun ilagausngang’ermeng.

Kina cucukliqaarraarutmi cucuklircetaaryuumaa?
Cucukliryuumalriim nall’arcimakuniki pinarqutai AS 15.25.030(a) cucukecetaalriaruyugluni-llu cucukliqaarraarutmi imiriyuumauq cucukecetaalriit kalikaitnek. Cucukliqaarraarutmi cucukecetaalriit ilagaucimanrilengermeng political party-ni wall’u-qaa political group-ani cucukecetaaryuumaut.

Qayuwa-mi piarkauga cucuklircetaararkaq kiturillrukuni imirillerkam ernerkiuraa?
Ilagautescigaciiquq cucukliqaarraarutmi tau͡gaam imiriyuumauq write-in candidate-auyugluni cucuklirpagyaram cucuklircuutiini.

Cucukecetaalria-qaa ilagausnganrilnguq political party-ni cucukecetaaryuumauq kaigan aturluku cucuklirpagyaraami?
Qang’a. Nutarami alerquutmi, cucukecetaalriit aturnanrirciqait kaigan cucukecetaaryukuneng cucuklirpagyaraami. Cucukecetaalria cucukliqarraarutem cucuklircuutiini alngaucimanrilkuni wall’u-qaa ciumuruceteksailkuni cucuklirpagyaramun, write-in candidate-auluni cucukecetaaryuumauq, alngallrukuniki cucukecetaalriaruyugluni tallimani ernerni cucuklirpagpailgata.

Cucukliqaarraarutmi-qaa imiriyulriit cucukecetaalriaruyugluteng amllertacingqertut?
Qang’a

Cali-qa allakaumaciiqut alerquutngurcugmalriit cucukliqaarraarutem cucuklircuutiini?
Qang’a. Allakaumanrilnguut political party-tgun cucukliqaarraarutmi, alerquutngurcugmalriit allakaita cucuklircuutengqernaqngaitut.