Alaska Better Cucukliryaraan Aturyaurtellerkaa
Nutaraq Cucukliryaraq
November 2020 Cucuklirpagyarami, cucuklirtet ciuniullruit Ballot Measure No. 2-aaq, aprumaluni “Alaska’s Better Elections Initiative.” Uum alerquutngurtellrem cimillruak State-am cucukliryaraa Nonpartisan Top Four (Cetaman cucukecetaalriit cucukumallret) cucukliqaraarutmun cucuklirpagyaraq-llu Ranked Choice Voting-aamun. (Cucuklirypagyarami-llu tungliquurluki naaqutliluki cucuklirluteng).
Cucuklircuutet Ayuqait
Tangvagyugngaaten qaillun imiryaraitnek cucuklircuutet ayuqaitnek. Umyuangqerkuvet qaillun piyaraitnek wall’u apyutkangqerkuvet, nallunriceskikut. -tiffany.montemayor@alaska.gov. Cucukliryugngalriit ilakesqumaaput cucuklircuutet ayuqerkaitnek caliaqillemteni.
Naaqutetgun Tungliquurluki Cucuklirsaraq - Nalqigcimaluni
Nonpartisan Top Four FAQ-t (Cetaman cucukecetaalriit cucukumallret) wall’u Apqaurturalaq’ngait
Cauga Nonpartisan Top Four cucukliqaraaryaraq? (Political Party-tgun apertuumavkenateng Cetaman cucukecetaalriit cucukumallret)
Ataucirrauciquq cucuklircuun, allakarpekani political party-nun tamarmeng-llu cucukecetaalriit igausngaluteng. Ataucimek cucuklircetaalriamek cucuklirciqut, political party-t iliitnun ingluallrat nagutekevkenaku.
Cetaman cucuklircetaalriit amllenritgun cucukumallret cucuklirpagyarami igausngaarkauluteng. Cucukecetaalriit political party-nun ilausngaciit igausnganrirciqut cucukliqarraarutmi.
Cetaman nurrluku cucukecetaalriartangqerraqan qaillun piarkaugat?
Tamarmeng cucukecetaalriit ciumuruciiqait cucuklirpagyaramun.
Qaku Nonpartisan Top Four cucukliryaraq aturyaurciiqatgu?
Cucukliqaarraaryarami August 16, 2022-aami.
Naliitnun-qaa political party-nun ilagausngallma qaillun cucukliryugngalqa cakaniutekciqaa?
Qang’a. Tamarmeng cucukecetaalriit igausngaciqut cucuklircuutmi cucuklitulit-llu cucukiyugngaluteng kemyukekmeggnek naliitnun political party-nun ilagausngang’ermeng.
Kina cucukliqaarraarutmi cucuklircetaaryugngaa?
Cucukliryugngalriim nall’arcimakuniki pinarqutai AS 15.25.030(a) cucukecetaalriaruyugluni-llu cucukliqaarraarutmi imiriyugngaut cucukecetaalriit kalikaitnek. Cucukliqaarraartumi cucukecetaalriit ilagaucimanrilngermeng political party-ni wall’u political group-ani cucukecetaaryugngaut.
Qaillun-mi piarkauga cucuklircetaararkaq kiturillrukuni imirillerkam taqlerkiuraanek?
Ilagautescigaciiquq cucukliqaarraarutmi tau͡gaam imiriyugngauq write-in candidate-aaruyugluni cucuklirpagyaram cucuklircuutiini.
Cucukecetaalria-qaa ilagausnganrilnguq political party-ni cucukecetaaryugngauq kaigan aturluku cucuklirpagyaraami?
Qang’a. Nutarami alerquutmi, cucukecetaalriit aturnanrirciqait kaigan cucukecetaaryukuneng cucuklirpagyaraami. Cucukecetaalriim atra cucukliqaarrarutmi igaucimallrunrilkan cucuklircuutmi wall’u ciutmurutellrunrilkan cucuklirpagyaramun, cucukecetaaryugnaut write-in candidate-aaruluteng, igallrukuneng cucukecetaalriaruyugluteng tallimani ernerni cucuklirpagpailgata.
Cucukliqaarraarutmi-qaa imiriyulriit cucukecetaalriaruyugluteng amllertacingqertut?
Qang’a
Cali-qaa allakaumaciiqut alerquutngurcugngalriit cucukliqaarraarutem cucuklircuutiini?
Qang’a. Allakaumangailata political party-tgun cucukliqaarraarutmi, alerquutngurcugngalriit allakaita cucuklircuutengqernaqngaitut.
Cucuklirpagyarami-llu tungliquurluki naaqutliluki cucuklirluteng (Ranked Choice Voting) Apqaurturalaq’ngait wall’u FAQ-t
Cauga Ranked Choice Voting-aaq?
Ranked Choice Voting- aatgun cucuklirtet piyullermegteggun naaqutliciiqait tungliquurluki cucuklircetaalriit.
Qaillun Ranked Choice Voting-aaq calilarta?
Cucukliryarani, cucuklirtet tungliquriciiqut naaqutetgun piyullermegteggun. Cucuklirtet cetamanek cucukecetaalrianek ciumurutellernek cucukliqaaraarutmi cucukiciqut cucuklircuutnun elliarkanek wall’ cucukliryukuneng write-in candidate-aamek, piyugngaut ilakluku-llu cucukecetaalria tungliquurillermeggnun naaqutetgun. Avgem amllenranek ciuqliusqumallritgun cucukumakuni cucuklircetaalria anagkengciquq. Cucukecetaalriartailkan avgem amllenranek naaqeqaarraallratni, naaqenqigtaarturciqut atauciq cucukecetaalria quyinrurnatkaanun. Waten piciquq:
Qaillun naaqumaciqat cucuklillret Ciuqlikaacaarmi?
Kiingan cucuklilriit 1-aamek naaqutlillrit ciumek naaqumaciqut.
- Cucukecetaalria ciuqliurtellikuni amllenranek avgem cucuklircuutni tauna cucukecetaalria anagkengciquq.
- Naaqerraallratni cucukecetaalriartailkan anagkengllermek, naaqeciiqait tungliat.
Qaillun cucuklillret naaqumaat tungliani (Round 2-aami), kinguqliitni-llu?
Nangneqliq cucukecetaalria ciuqliit naaqerraarluki au͡gaumaciiquq cucuklirtem-llu tungliq cucukellra nugtarrluku ciuqlirmun ilaksagulluki cucukecetaalriit cucuklircuutmi. Una cucuklillret naaqenqigqurallrita piyaraa ayagturciquq, cucukecetaalria avgem amllenranek cucukestengnatkaanun. Cucuklirta ataucimek cucuklirarkangqerciquq naaqenqigtaqatki.
Atawaqalriaruuq-qaa tungliquurillrit amllernek cucukarkanek?
Aa-ang, tungliquurikuvet cucukecetaalrianek, piyukekngan cucukumayugngauq ciuqliusqumakekngan anagkengenrilengraan. Cucukecetaalriit tungliqurillritggun cucukellren atuuciquq 2nd, 3rd, 4th, wall’ 5th-aaratnun cucukellerpet, ciuqliq cucukellren au͡gaumangraan cikiumaluten cucukillerpet iliit anagkengnatkaanun.
Qaillun cucuklircuuteka ceterciqsia Ranked Choice Voting-aam cucukliryaraani?
Cucuklircuutem iqsulirnerani igausngaciqut cucuklircetalriit. Cucukecetaalriit-llu tallirpilirneratni naaqutet tungliquurarkat uitaluteng.
Cucuklirtet tungliquuryugngait tamalkuita cucukecetaalriit (pivigkiurumaluku write-in candidate-aarkaq) cucukliraqata aturluki imirarkat cucuklircuutmi cucuklilteng maniluki. Cucuklirtet tungliquuriyugngaut amllernek wall’ qavcinek cucuklircetaalrianek piyullermegteggun. Cucuklirtet tungliquuriyuumiilkuneng ilaitnek cucuklircetaalrianek, uitacugngait imirpeknaki.
Qaillun cucuklirciqsia write-in candidate-aamek?
Cucuklircuutmi cucukekngan uitanrilkan, igautniaran taum atra “write-in-aam” cetrani, imirluku-llu kayangurngalnguq tungliquutacirkaatun.
Cucuklitulimun cat alarcailkutnguat imillranun cucuklircuutem cucuklirpagyarami?
Imirikuvet ayuqevkarluki cucuklirkat tungliquurallerkait wall’ imirluki ataucim cucukecetaalriim tungliquurautai tamalkuita wall’ malruk cipluku tungliquurarkat imirpeknakek. Atauciq tungliquurarkaq uniskuvgu imirpeknaku, cucuklilten cali naaqumaciqut. Tau͡gken imirpeknaki uniarcikuvet malrugnek wall’ cipluku tungliquurarkanek, naaqellerkait arulairciquq tuani, tungliquurallret tau͡gaam taum ciungani naaqumaciqluteng.
Ataucirrarmek-qaa cali cucukecetaalriamek cucukliryugngaunga?
Aa-ang. Cucukliryukuvet ciuqliusqumakekngavnek kiingan cucukliryugngauten. Tau͡gken, tungliquurikuvet allanek cucukecetaalrianek cakanircessngaunaku ciuqliusqumakekngan.
Tungliquurikuma allanek cucukecetaalrianek, cimirciqaa-qaa ciuqliusqumakekngaqa?
Qang’a. Kiingan ciuqliusqumakekngan naaqumaciquq naaqerrallratnun. Tua-i-llu 2nd, 3rd, 4th allat-llu cucukelten naaqeciiqait kiingan ciuqliusqumakekngan cucukecetaalria anagkengenrilkan.
Cucuklirpagyarami-qaa tamalkuita cucukecetaalriit tungliquurarkauganka?
Qan’ga. Piyullerpetun tungliquuriyugngauten amllernek wall’ qavcinek cucukecetaalrianek. Tungliquuryuumilkuvgu iliit cucukecetaalriit, uitatniaran imirvian column-aara. Ayuqellrianek tungliquuriqeryaqunak qavcinun cucukecetaalrianun wall’ tamalkuitnek tungliquurkilluku atauciq cucukecetaalria.
Tungliquuriyugngaaqaq-qaa cucukenqurraqa ciuqliuvkarluku, tungliqliuvkarluku, pingayuqliuvkarluku, tuatnauvkarluki?
Ataucimun cucukecetaalriamun tungliquuralten tamalkuita tunesciigataten. Cucukekngan tungliquuriskuvni atauciq cipluku waten 1st, 2nd, 3rd, 4th, cali 5th, kiingan ciuqlia tungliquurillerpet naaqumaciquq. Cucuklirturallran cucukecetaalria atawaungaituq elliinun. Cucuklirtem cucukliquniu atauciq cucukecetaalria 1st, 2nd, 3rd, tuatnaluku, iminrilngurtun ayuquq tungliqliat, pingayuqliat, allat-llu. Cucukliquvet atauciq cipluku cucukecetaalriamek, ciuqliusqumaluki, tauna cucuklillren atuunrirciquq.
Ayuqluki-qa tungliquuriyugngaanka qavcin cucukecetaalriit?
Qang’a. Ayuqluki tungliquurciigataten qaillun cucukecetaalriit. Qavcin cucukecetaalriit tungliquurkuvki ayuqluki, “over-vote”-aaruciiquq. Cucuklircuuten cucuklirpallaumakan, “inactive ballot”-aaruciiquq nallunarqeciqngan naliitnun cucukecetaalrianun tungqliquurillerpet tunllerkaa. Cucuklilleq taringnarqekan tau͡gaam, tamana cucuklircuutii ilangcingaitaput cucuklirpallaumalria.
Kituriyaqunak cipluku malrugnek tungliquurararkagnek. Tuatnakuvet, kiingan tungliquurallret taum ciungani naaqumaciqut.
Tungliquurikuma cetamanek cucukecetaalrianek, cucuklillruunga-qaa cetamarqunek?
Qang’a. Ataucirqumek cucuklillren naaqumaciquq. Cucuklillren naaqumaciquq cucukenqurarrpenun au?gaumanrilngurmun. Cucukenqurraan au͡gaumallikan, cucukenqurallerpet tunglianun naaqumaciquq.
Cam naaqenqigtaarceciiqaki cucuklilriit?
Cucukecetaalriartailkan avgem amllenranek anagkengllermek naaqeraartelluki cucuklircuutet naaqenqigciiqait.
Qaillun piciqat pitakekuurqata naaqillratni? Naliat cucukecetaalria ciumuruciiqa?
Pitatekuuralriartangqerkan cucukecetaalriignek ikgenqurnek cucukesciullregnek, Alaska-m alerquutiini qanrumauq anagtassiircetarkaulukek “by lot”-akun naliik cucukecetaalriik au?gallerkaagnek cali naliik ciumurutarkaullranun kinguatnun naaqellerkait. “By lot”-aq kanginqertuq cucukliryaraliurtet atanrat flip a coin-arluni wall’u draw straw-rluni. Ayuqeciquq-llu taukuk nangenrak cucukecetaalriik pitatellgutkekagnek.
Qaillun ayuqeciiqa cucuklirpagyaram atakuani cucuklirpaggaartelluki?
Naaqeqarrallrit cucuklirpagyaram atakuani qanrutekciqait kiingan cucuklirtet ciuqliusqumakekngait. Ciungani cucukliryarallermegcetun tamarmeng naaqeqarrallrit piciurrngaitut State Review Board-am piciutassiirnatkaanun cucukliryaraq cali-llu naaqumanatkaatnun tamalkuita absentee cali questioned vote-ait.
Qaku nani-llu naaqiciqat?
Naaqengellrit ayagnirciqut 15-aat erenret cucuklillrem kinguani. Juneau-mi atanrem caliviani naaqeciiqait.
Qaku unaksugngasia Ranked Choice Voting-aat cucuklillrata naaqellrit?
Piciutassiirumanrilnguut naaqeqarraallrit Ranked Choice-am cucukliryaraani nallunairumaciqut tamalkuita absentee-t questioned-aarumalriit-llu cucuklircuutet naaqerraartelluki, State-am alerquutiini qanrumauq 15-aat erenret kinguatni Cucuklirraartelluki. Naaqellrit piciulriarungaitut State Review Board-am piciutassiirnatkaanun cucukliryaraq.
Qaillun nallrunriciiqsia qangvaq ciin-llu ciuqliusqumakekngaqa au͡gaumallranek??
Ilakluku nallunairillritni division-aam website-aani, naaqellrit-ggun manimaciquq cucukecetaalria anagkenglleq, nallunairutet paivngaciiqut maniluki qavcinek cucukliumallruciitnek cucukecetaalriit tamalkuita ciumurutaqatki.
Cat calistait cucuklirnaqelartat Ranked Choice Voting-aaq aturluku?
Alerquutngurtellrem ilakai atanerkaq/ataneruarkaq, U.S. Senator-aak, U.S. Representative-aaq, Governor/Lieutenant Governor-aaq, tamalkuita-llu state representative-aat state senator-aat-llu.
Ranked Choice Voting-aakun-qaa cucuklirciqukut cuqcistenek alerquutngurcugngalrianek-llu?
Qang’a. Tamarmeng cuqcistengurtenqigculriit alerquutngurcugngalriit-llu cucuklirciqait piyaramegcetun angerluki wall’ qang’aarluki.
Qaku cucuklirciqat Ranked Choice Voting-aaq aturluku?
November 8, 2022 Cucuklirpagyarami.
Ukut-qaa nallunritarkat paivngaciqut allat qaneryaraitgun?
Aa-ang. Nallunritarkat elitnaurutait-llu mumigcimaciqut paivngaluteng-llu division-aam website-aani. Cucuklirtet nallunrirceciiqarput mumigcimarikata.
Kia-llu cali atulartau Ranked Choice Voting-aaq?
Akimiaq malrugnek cipluku U.S.-aam nunarpautaini ilakluki San Francisco, Santa Fe, Minneapolis-aaq-llu atutulartut Ranked Choice Voting-aamek, Maine-am-llu atutularai tamaitnun federal-aat cucukliryaraitnun. Academy Awards-aat-llu atularaat.
Assinqurraunrituq elitengnaqelqa naaqellritgun FAQ-aat. Allanek-qaa elicungcarcuutengqerciquq?
Aa-ang. Division-aaq paivciciquq elicarcuutekaitnek cucukliqarrarpailgata cucuklirpagpailgata-llu upingallerkait cucuklirtet pitekluku mat’umun nutaramun cucukliryaramun. Man’a cucuklirtet elicarcuutekait mumigcimalrianek paivcistet-llu, ayagnillerkaa May 2021-aam kiturarkauvkenaku, ilangqerciquq ukunek: video-nek, live chat-anek, elicarilrianek, naaqerkanek, graphic-aanek, cucukliruarcuutnek, tv/radio/internet-ani naaqerkanek, mumigcimalrianek ikayutekanek, elicarcuutnek, unaksunarqellrianek-llu ikayuutekaitnek cucuklitulit ikayurnarqellriit.