Cucuklirsaraliurtem Alaska-rmiut cucukliriyuumalriit cucuklirsuumallratnun naaqumavkallratnun-llu cucuklirillrata cingumapiaraa. Cucuklirsaraliurtem cucukliriyuumalriit qalarcaraitgun ikayungqevkangnaqellrita cucukliriinanratni nasvagaa cingumacipiallranek. Makut ikayungqengnaqevkautet maligtaqui Anguyagtem picirkiurai 1965-aami alerquutngurtellrem Cucukliriyaram Piyunarquciutai. Una alerquun aturluku Cucuklirsaraliurtem cucukliriyuumalriit qalarcaraitgun ikayungqevkararkaugai Spanish-aatun, America-am Nakmiin Yuitun, Alaska-m Nakmiin Yuitun, qang’a-llu Yugngalnguaraat qalarcaraitcetun tallimaingita avvnerita ellmegcetun qalarcuumalriit Kass’atun qitevteluaqerciigalkata.
State of Alaska-q aciantuq Section 203-aaran Cucukliriyuumalriit Piyunarquciutiita Cucukliriyuumallrata Alaska-m Nakmiin Yuin qalarcaraitnun. December 2016-aami Anguyagta nutaranek 203-nek qalarcarat tungiitnun picirkiuranek paivcillruuq nallunairluki yuut ikgetenrulriit allani qalarcaraitgun ikayuanarqellriit Alaska-mi. Makut picirkiurat picirkiuraqai Anguyagtem cimiumangaunateng qang’a-llu ingluliurumangaunateng. Cucuklirsaraliurtem arcaqakelarai Section 203-mi alngausngalriit qalarcarat ciumek caliaqerkauluki maligtaqungnaqluki Anguyagtem picirkiurai. Qalarcarat nallunairumalriit nutarami Anguyagtem alerquuteliarin alngausngauviatni (Federal Register) section 203-kun picirkiurat Alaska-ami ukuugut: (Federal Register-aaq paqciu):
Aleutians East Borough: Filipino, Hispanic, Yup’ik
Aleutians West Census Area: Aleut, Filipino
Bethel Census Area: Inupiat, Yup’ik
Bristol Bay Borough: Yup’ik
Dillingham Census Area: Yup’ik
Kenai Peninsula Borough: Yup’ik
Kodiak Island Borough: Yup’ik
Lake and Peninsula Borough: Yup’ik
Nome Census Area: Inupiat, Yup’ik
North Slope Borough: Inupiat
Northwest Arctic Borough: Inupiat
Southeast Fairbanks Census Area: Alaskan Athabascan
Valdez-Cordova Census Area: Alaskan Athabascan
Kusilvak: Inupiat, Yup’ik
Yukon-Koyukuk Census Area: Alaskan Athabascan, Inupiat
Alaska-m ikayuqengllerkiuraak waten ayuquk: yuut qalarcaraitgun mumigcimalrianek kalikirluki nakmiin alngaucimallret tunglia-wa Alaska-m Nakmiin Yuin qalarcaraitgun qanercirluki qalarcarait nakmiin alngausngaksailnguut. Akikiurat ikgetellrata pisqutnek-llu picirluni mumigcimalriit kalikat erinairat-llu qaqiteluaqaumanritut. Computer-aami qalarcaravet pissuutii neggluku unakiyuumauten Cucuklirsaraliurtem piliarinek kalikanek mumigtanek erinairainek-llu. qalarcaravkun. Ilakluki Cucuklirillrata Erenrani tuqluriluteng mumigcistengqerrsuumallrat, Cucuklirsaraliurtem qanercistekilarai cucuklirilriit, mumigciyuumalrianek cucuklirsaurrnaluteng imirilrianek, mumigciyuumalrianek-llu cucuklirvigni nunani-llu. Cucukliryaraliurta cali pililartuq erinairanek mumigtanek cucukliriarkaulriamun nallunritnarqellrianek, cali VHF-aakun qang’a-llu radio-kun nallunairutetgun. Mumigciyuumalrianek ikayungcarsuumaut cucuklirinarivailgan Alaska-m Nakmiin Yuin qanersaraitgun, Pilip’iinatun wall’ Spanish-aatun. Mumigciyuumalriit cucuklirvigmi calistet ikayursuumait cucuklitulit, qang’a-llu cucuklitulit ikayurteksullermeggnun ikayurcecuumaut cucukecetaalriarunrilngurmun, calivimini ataneqenrilkuniu, calivimi pistekenrilkaku, qang’a-llu union-aami pistekenrilkaku. Cucuklirilriim ikayurteksukii itersuumauq imirivigmun cucuklircuutnek ikayursarturluku cucuklituli cucuklirillrani.