Language Assistance

Cucukliryaraliurtet cingumait Alaska-rmiut cucukliryuumalriit cucukliryuumallratnun naaqumavkallratnun-llu cucuklillrit. Cucukliryaraliurtet paivcingnaqellrit qaneryaraitgun ikayuriyaraq nayvautnguuq matumun caliaritnun. Qaneryaraitgun ikayuriyaram maligtaqui Anguyagtem picirkiurai 1965-ami alerquutngurtellrem Cucukliryaram Piyunarquciutaini. Mat’um alerquutem Cucukliryaraliurtet alerquumai ikayurtengqerrarkaugut-gguq qaneryaraitgun Spanish-at, akmani ingqilit, Alaska-m Nakmiin Cuit, wall’u-qa Cugngalnguaraat cucukliryuumalriit 5 percent-aq cipluku Kass’atun qitevteluaqerciigalkata. Cucukliryaraam Piyunarqucian Alerquutaini Section 203-ami State of Alaska-m maligtaquarkaugai Alaska-m Nakmiin Cuin qaneryarait. December 2016-ami anguyagtem qanrutkelqaa Section 203-am kitugutii qaneryarat tungiitnun maniluki Kass’aunrilnguut qanercirnarqellrit nunarpamteni. Makut picirkiurat anguyagtem picirkiuraqai cimirarkauvkenateng wall’u-qa ingluliurumarkauvkenateng. Cucukliryaraliurtem arcaqakluki Section 203-ami igauyngalriit qaneryarat civumeng caliaqarkauluki maligtaquuluki anguyagtem picirkiurai. Qaneryarat nallunairumalriit nutarami Anguyagtem alerquuteliarin igauyngaviatni (Federal Register) section 203-kun picirkiurat Alaska-ami ukuugut: (Federal Register-aq paqciu):

Aleutians East Borough: Filipino, Hispanic, Yup’ik
Aleutians West Census Area: Aleut, Filipino
Bethel Census Area: Inupiat, Yup’ik
Bristol Bay Borough: Yup’ik
Dillingham Census Area: Yup’ik
Kenai Peninsula Borough: Yup’ik
Kodiak Island Borough: Yup’ik
Lake and Peninsula Borough: Yup’ik
Nome Census Area: Inupiat, Yup’ik
North Slope Borough: Inupiat
Northwest Arctic Borough: Inupiat
Southeast Fairbanks Census Area: Alaskan Athabascan
Valdez-Cordova Census Area: Alaskan Athabascan
Kusilvak: Inupiat, Yup’ik
Yukon-Koyukuk Census Area: Alaskan Athabascan, Inupiat

What types of language assistance does Alaska provide?

Alaska-m ikayuqengllerkiuraani Cuuget qaneryaraitgun mumigcimalriartangqertuq kalikaneng nutem igaucimallret qaneryarat qanercirluki-llu cuuget qaneryaraitgun, qaneryarat nutem igauyngaksailnguut, Alaska-m Nakm¯iin Cuin qaneryaraicitun.Akikiurat ikegliata pisqutneng-llu picirluni mumigcimalriit kalikat erinairat-llu qaqiteluaqaumanritut. Computer-ami keneglluku qaneryaran Cucukliryaraliurtem mumigtellrineng erinairaineng-llu qaneryaravkun unakiyuumauten. Akikiurat ikegliata pisqutneng-llu picirluni mumigcimalriit kalikat erinairat-llu qaqiteluaqaumanritut. Computer-ami keneglluku qaneryaran Cucukliryaraliurtem mumigtellrineng erinairaineng-llu qaneryaravkun unakiyuumauten. Ilakluki qayagaurluteng mumigcistengqerrsuumallrat Cucukliryaram Erenrani paivngatuulit, Cucukliryaraliurtet paivcituut qanertekaaneng bilingual registrar-atgun, cucukliryaraliurtet calistaitgun, cucuklirviit mumigcistaitgun, nunani-llu mumigcistengqerrnarqelriani calisteneng. Cucukliryaraliurtet cali erinairaneng mumigtaneng pilituut cucukliryaram nallunritnarqellrineng cali niicugnissuutet-ggun nallunairaneng. Mumigcisteneng ikayungcaryuumaut cucuklirnaram avatiini Alaska-m nak’miin cuita qaneryaraicitun, Pilip’iinatun wall’uqa Spanish-aatun. Mumigcistet cucuklirvigmi ikayuriyuumaut cucuklitulineng, wall’uqa cucuklitulit ikayurteksullermeggnun ikayurcicuumaut cucukesstalriarunrilkan, calivimini ataneqenrilkuniu, calivimeggni pistekenrilkuniu, wall’uqa union-aami pistekenrilkuniu. Cucuklirilriim ikayurteksukii iteryuumauq imirivigmun cucuklirrsuutneng ikayuryarturluku cucuklituli cucuklillrani.