Yugtun mumigcistenek ikayungcarsukuvet nallunritarkanek kangingnaursukuvet, tuqlurru 907-275-2323 qang’a-llu 1-866-954-8683 (U.S.-aam iluani akilirsarailnguq tuqlurvik).

DIVISION OF ELECTIONS-AANEK CUCUKLIRYARALIURTET NALLUNAIRUTIIT 2018-AAMI CUCUKLIRYARANUN ALASKA-M ATANERKAANEK

Ellminek cucukecetaalriim at’mi augarcetlerkaa 2018-aami cucuklirpagyaram cucuklircuutiinek taqlerkiurangqellruuq Aipiritmi, September 4, 2018-aami. Cucukecetaalria Alaska-m atanerkaanun wall’u atanran tunglirkaanun augaasqeksailan taqlerkiuram nallini cali tamarmeng cucukecetaalriit atrit alngausngaut cucuklircuutmi. Cucuklilleq naliitnun cucukecetalrianun Alaska-m atanerkaanun wall’u Alaska-m atanran tunglirkaanun 2018-aami cucuklirpagyaram cucuklircuutiini naaqumaciquq taumun cucukecetaalriamun.

Yuut Qalarcaraitgun Ikayullrit

Cucuklirsaraliurtem Alaska-rmiut cucukliriyuumalriit cucuklirsuumallratnun naaqumavkallratnun-llu cucuklirillrata cingumapiaraa. Cucuklirsaraliurtem cucukliriyuumalriit qalarcaraitgun ikayungqevkangnaqellrita cucukliriinanratni nasvagaa cingumacipiallranek. Makut ikayungqengnaqevkautet maligtaqui Anguyagtem picirkiurai 1965-aami alerquutngurtellrem Cucukliriyaram Piyunarquciutai. Uum alerquutem Cucuklirsaraliurtemun cucukliriyuumalriit qalarcaraitgun ikayungqevkararkaugai qalarcaraitgun Spanish-aatun, America-am Nakmiin Yuitun, Alaska-m Nakmiin Yuitun, qang’a-llu Yugngalnguaraat qalarcaraitcetun tallimanek kepnerita ellmegcetun qalarcuumalriit Kass’atun qitevteluaqerciigalkata.

State of Alaska-q aciantuq Section 203-aaran Cucukliriyuumaalriit Piyunarquciutiita Cucukliriyuumallrata Alaska-m Nakmiin Yuin qalarcaitnun. December 2016-aami anguyagta nutaranek 203-nek qalarcarat tungiitnun picirkiuranek paivcillruuq nallunairluki yuut ikgetenrulriit allani qalarcaraitgun ikayuanarqellriit Alaska-mi. Makut picirkiurat picirkiuraqai anguyagtem cimiumangaunateng qang’a-llu ingluliurumangaunateng. Cucuklirsaraliurtem arcaqakelarai Section 203-mi alngausngalriit qalarcarat ciumek caliaqarkauluki maligtaqungnaqluki anguyagtem picirkiurai. Qalarcarat nallunairumalriit nutarami Anguyagtem alerquuteliarin alngausngauviatni (Federal Register) section 203-kun picirkiurat Alaska-ami ukuugut: (Federal Register-aaq paqciu):

Aleutians East Borough: Filipino, Hispanic, Yup’ik
Aleutians West Census Area: Aleut, Filipino
Bethel Census Area: Inupiat, Yup’ik
Bristol Bay Borough: Yup’ik
Dillingham Census Area: Yup’ik
Kenai Peninsula Borough: Yup’ik
Kodiak Island Borough: Yup’ik
Lake and Peninsula Borough: Yup’ik
Nome Census Area: Inupiat, Yup’ik
North Slope Borough: Inupiat
Northwest Arctic Borough: Inupiat
Southeast Fairbanks Census Area: Alaskan Athabascan
Valdez-Cordova Census Area: Alaskan Athabascan
Kusilvak: Inupiat, Yup’ik, Alaskan Athabascan
Yukon-Koyukuk Census Area: Alaskan Athabascan, Inupiat

Qaillun Alaska-q ikayuqenglarta yuut qalarcaraitgun?

Alaska-m ikayuqengllerkiuraa yugnek qalarcaraitgun mumigcimalrianek kalikarcirluki nakmiin alngaucimallret qalarcarat qanercirluki-llu yuut qalarcaraitgun qalarcarait nakmiin alngausngaksailnguut, Alaska-m Nakm¯iin Yuin qalarcaraitestun.

Akikiurat ikgetellrata pisqutnek-llu picirluni mumigcimalriit kalikat erinairat-llu qaqiteluaqaumanritut. Computer-aami qalarcaran cucuklirluku Cucuklirsaraliurtem piliarinek kalikanek mumigtanek erinairainek-llu qalarcaravkun unakiyuumauten.

Ilakluki Cucuklirillrata Erenrani tuqluriluteng mumigcistengqerrsuumallrat, Cucuklirsaraliurtem qanercistekilarai cucuklirilriit mumigciyuumalrianek cucuklirsaurrnaluteng imirilrianek piyunarquciumalrianek calistenek, mumigciyuumalrianek-llu cucuklirvigni calistenek, nunani-llu mumigcistengqerrnarqellriani calistenek.

Cucukliryaraliurta cali pililartuq erinairanek mumigtanek cucuklirillermun nallunritnarqellrianek cali VHF-aakun qang’a-llu radio-kun nallunairutetgun.

Mumigcistenek ikayungcarsuumaut cucuklirinarivailgan Alaska-m nakmiin yuin qanersaraitgun, Pilip’iinatun wall’ Spanish-aatun. Mumigciyuumalriit cucuklirvigmi calistet ikayursuumait cucuklitulit, qang’a-llu cucuklitulit ikayurteksullermeggnun ikayurcecuumaut cucukecetaalriarunrilkan, calivimini ataneqenrilkuniu, calivimi pistekenrilkaku, qang’a-llu union-aami pistekenrilkaku. Cucuklirilriim ikayurteksukii itersuumauq imirivigmun cucuklircuutnek ikayursarturluku cucuklituli cucuklirillrani.