Yugtun mumigcistenek ikasungcarsukuvet nallunritarkanek kangingnaursukuvet, tuqlurru 907-275-2323 qang’a-llu 1-866-954-8683 (U.S.-aam iluani akilirsarailnguq tuqlurvik).

DIVISION OF ELECTIONS-AANEK CUCUKLIRYARALIURTET NALLUNAIRUTIIT 2018-AAMI CUCUKLIRYARANUN ALASKA-M ATANERKAANEK

Ellminek cucukecetaalriim at’mi augarcetlerkaa 2018-aami cucuklirpagyaram cucuklircuutiinek taqlerkiurangqellruuq Aipiritmi, September 4, 2018-aami. Cucukecetaalria Alaska-m atanerkaanun wall’u atanran tunglirkaanun augaasqeksailan taqlerkiuram nallini cali tamarmeng cucukecetaalriit atrit alngausngaut cucuklircuutmi. Cucuklilleq naliitnun cucukecetalrianun Alaska-m atanerkaanun wall’u Alaska-m atanran tunglirkaanun 2018-aami cucuklirpagyaram cucuklircuutiini naaqumaciquq taumun cucukecetaalriamun.

Yuut Qalarrsaraitgun Ikasullrit

Cucuklirsaraliurtem Alaska-rmiut cucuklirisuumalriit cucuklirsuumallratnun naaqumavkallratnun-llu cucuklirillrata cingumapiaraa. Cucuklirsaraliurtem cucuklirisuumalriit qalarrsaraitgun ikasungqevkangnaqellrita cucukliriinanratni nasvagaa cingumacipiallranek. Makut ikasungqengnaqevkautet maligtaqui Angusagtem picirkiurai 1965-aami alerquutngurtellrem Cucuklirisaram Piyunarquciutai. Uum alerquutem Cucuklirsaraliurtemun cucuklirisuumalriit qalarrsaraitgun ikasungqevkararkaugai qalarrsaraitgun Spanish-aatun, America-am Nakmiin Yuitun, Alaska-m Nakmiin Yuitun, qang’a-llu Yugngalnguaraat qalarrsaraitcetun tallimanek kepnerita ellmegcetun qalarrsuumalriit Kass’atun qitevteluaqerrsiigalkata.

State of Alaska-q aciantuq Section 203-aaran Cucuklirisuumalriit Piyunarquciutiita Cucuklirisuumallrata Alaska-m Nakmiin Yuin qalarrsaraitnun. December 2016-aami angusagta nutaranek 203-nek qalarrsarat tungiitnun picirkiuranek paivcillruuq nallunairluki yuut ikgetenrulriit allani qalarrsaraitgun ikasuanarqellriit Alaska-mi. Makut picirkiurat picirkiuraqai angusagtem cimiumangaunateng qang’a-llu ingluliurumangaunateng. Cucuklirsaraliurtem arcaqakelarai Section 203-mi alngausngalriit qalarrsarat ciumek caliaqarkauluki maligtaqungnaqluki angusagtem picirkiurai. Qalarrsarat nallunairumalriit nutarami Angusagtem alerquuteliarin alngausngauviatni (Federal Register) section 203-kun picirkiurat Alaska-ami ukuugut: (Federal Register-aaq paqciu):

Aleutians East Borough: Filipino, Hispanic, Yup’ik
Aleutians West Census Area: Aleut, Filipino
Bethel Census Area: Inupiat, Yup’ik
Bristol Bay Borough: Yup’ik
Dillingham Census Area: Yup’ik
Kenai Peninsula Borough: Yup’ik
Kodiak Island Borough: Yup’ik
Lake and Peninsula Borough: Yup’ik
Nome Census Area: Inupiat, Yup’ik
North Slope Borough: Inupiat
Northwest Arctic Borough: Inupiat
Southeast Fairbanks Census Area: Alaskan Athabascan
Valdez-Cordova Census Area: Alaskan Athabascan
Kusilvak: Inupiat, Yup’ik, Alaskan Athabascan
Yukon-Koyukuk Census Area: Alaskan Athabascan, Inupiat

Qaillun Alaska-q ikasuqenglarta yuut qalarrsaraitgun?

Alaska-m ikasuqengllerkiuraa yugnek qalarcaraitgun mumigcimalrianek kalikarrsirluki nakmiin alngaucimallret qalarcarat qanerrsirluki-llu yuut qalarrsaraitgun qalarrsarait nakmiin alngausngaksailnguut, Alaska-m Nakmiin Yuin qalarrsaraitestun..

Akikiurat ikgetellrata pisqutnek-llu picirluni mumigcimalriit kalikat erinairat-llu qaqiteluaqaumanritut. Computer-aami qalarrsaran cucuklirluku Cucuklirsaraliurtem piliarinek kalikanek mumigtanek erinairainek-llu qalarrsaravkun unakisuumauten.

Ilakluki Cucuklirillrata Erenrani tuqluriluteng mumigcistengqerrsuumallrat, Cucuklirsaraliurtem qanerrsistekilarai cucuklirilriit mumigcisuumalrianek cucuklirsaurrnaluteng imirilrianek piyunarquciumalrianek calistenek, mumigcisuumalrianek-llu cucuklirvigni calistenek, nunani-llu mumigcistengqerrnarqellriani calistenek.

Cucuklirsaraliurta cali pililartuq erinairanek mumigtanek cucuklirillermun nallunritnarqellrianek cali VHF-aakun qang’a-llu radio-kun nallunairutetgun.

Mumigcistenek ikasungcarsuumaut cucuklirinarivailgan Alaska-m nakmiin yuin qanersaraitgun, Pilip’iinatun qang’a-llu Spanish-aatun. Mumigcisuumalriit cucuklirvigmi calistet ikasursuumait cucuklitulit, qang’a-llu cucuklitulit ikasurteksullermeggnun ikasurrsecuumaut cucukecetaalriarunrilkan, calivimini ataneqenrilkuniu, calivimi pistekenrilkaku, qang’a-llu union-aami pistekenrilkaku. Cucuklirilriim ikasurteksukii itersuumauq imirivigmun cucuklirrsuutnek ikasursarturluku cucuklituli cucuklirillrani.