Yuut Qalarrsaraitgun Ikasullrit (About Language Assistance)

Yuut Qalarrsaraitgun Ikasullrit

Cucuklirsaraliurtem Alaska-rmiut cucuklirisuumalriit cucuklirsuumallratnun naaqumavkallratnun-llu cucuklirillrata cingumapiaraa. Cucuklirsaraliurtem cucuklirisuumalriit qalarrsaraitgun ikasungqevkangnaqellrita cucukliriinanratni nasvagaa cingumacipiallranek. Makut ikasungqengnaqevkautet maligtaqui Angusagtem picirkiurai 1965-aami alerquutngurtellrem Cucuklirisaram Piyunarquciutai. Una alerquun aturluku Cucuklirsaraliurtem cucuklirisuumalriit qalarrsaraitgun ikasungqevkararkaugai Spanish-aatun, America-am Nakmiin Yuitun, Alaska-m Nakmiin Yuitun, qang’a-llu Yugngalnguaraat qalarrsaraitcetun tallimaingita avvnerita ellmegcetun qalarrsuumalriit Kass’atun qitevteluaqerrsiigalkata. State of Alaska-q aciantuq Section 203-aaran Cucuklirisuumalriit Piyunarquciutiita Cucuklirisuumallrata Alaska-m Nakmiin Yuin qalarrsaraitnun. December 2016-aami Angusagta nutaranek 203-nek qalarrsarat tungiitnun picirkiuranek paivcillruuq nallunairluki yuut ikgetenrulriit allani qalarrsaraitgun ikasuanarqellriit Alaska-mi. Makut picirkiurat picirkiuraqai Angusagtem cimiumangaunateng qang’a-llu ingluliurumangaunateng. Cucuklirsaraliurtem arcaqakelarai Section 203-mi alngausngalriit qalarrsarat ciumek caliaqarkauluki maligtaqungnaqluki Angusagtem picirkiurai. Qalarrsarat nallunairumalriit nutarami Angusagtem alerquuteliarin alngausngauviatni (Federal Register) section 203-kun picirkiurat Alaska-ami ukuugut: (Federal Register-aaq paqciu):

Aleutians East Borough: Filipino, hispano, Yup'ik
Aleutians West censo área: Aleutiano, Filipino
Área de censo del Bethel: Inupiat, Yup'ik
Borough de la bahía de Bristol: Yup'ik
Censo de Dillingham área: Yup'ik
Borough de península de Kenai: Yup'ik
Borough de isla Kodiak: Yup'ik
Lago y ciudad de la península: Yup'ik
Área del censo de Nome: Inupiat, Yup'ik
Cuesta del norte ciudad: Inupiat
Distrito Noroeste Ártico: Inupiat
Fairbanks sureste zona de censo: Athabascan de Alaska
Área del censo de Valdez-Cordova: Alaska Athabascan
Kusilvak: Inupiat, Yup'ik
Área del censo de Yukon-Koyukuk: Alaska Athabascan, Inupiat

Qaillun Alaska-q ikasuqenglarta yuut qalarrsaraitgun?

Alaska-m ikasuqengllerkiuraak waten ayuquk: yuut qalarcaraitgun mumigcimalrianek kalikirluki nakmiin alngausngalrianek tunglia-wa Alaska-m Nakmiin Yuin qalarrsaraitestun qanerrsirluki qalarrsarait nakmiin alngausngaksailnguut, Akikiurat ikgetellrata pisqutnek-llu picirluni mumigcimalriit kalikat erinairat-llu qaqiteluaqaumanritut. Computer-aami qalarrsaravet pissuutii neggluku unakisuumauten Cucuklirsaraliurtem piliarinek kalikanek mumigtanek erinairainek-llu. Ilakluki Cucuklirillrata Erenrani tuqluriluteng mumigcistengqerrsuumallrat, Cucuklirsaraliurtem qanerrsistekilarai cucuklirilriit, mumigcisuumalrianek cucuklirsaurrnaluteng imirilrianek, mumigcisuumalrianek-llu cucuklirvigni nunani-llu. Cucuklirsaraliurta cali pililartuq erinairanek mumigtanek cucukliriarkaulriamun nallunritnarqellrianek, cali VHF-aakun qang’a-llu radio-kun nallunairutetgun. Mumigcisuumalrianek ikasungcarsuumaut cucuklirinarivailgan Alaska-m Nakmiin Yuin qanersaraitgun, Pilip’iinatun qang’a-llu Spanish-aatun. Mumigcisuumalriit cucuklirvigmi calistet ikasursuumait cucuklitulit, qang’a-llu cucuklitulit ikasurteksullermeggnun ikasurrsecuumaut cucukecetaalriarunrilngurmun, calivimini ataneqenrilkuniu, calivimi pistekenrilkaku, qang’a-llu union-aami pistekenrilkaku. Cucuklirilriim ikasurteksukii itersuumauq imirivigmun cucuklirrsuutnek ikasursarturluku cucuklituli cucuklirillrani.