Cugtun mumigcisteneng ikayungcaryukuvet nallunritarkaneng kangingnauryukuvet, tuqlurru 907-275-2323 wallu 1-866-954-8683 (U.S.-am iluani akilirnailnguq).

DIVISION OF ELECTIONS-AT NALLUNAIRUTIIT 2018-AMI CUCUKLIRCITALRIANUN ALASKA-M ATANERKANENG

Ellmineng cucukecetaalriim at’mi augarcitlerkaan cucuklirpagyaram cucuklirrsuutiineng taqlerkiurangqellruuq Aipiritmi, September 4, 2018-ami. Cucukecetaalria Alaska-m ataanerkaanun wall’uqa Alaska-m atanran tunglirkaanun augasqeksailan taqlerkiuram nallini cali tamalkurmeng cucukecetaalriit atrit igauyngaut cucuklirrsuutmi. Cucuklilleq naliitnun cucukecetalrianun Alaska-m atanerkaanun wallu’qa Alaska-m atanran tunglirkaanun 2018-am cucuklirpagyaram cuculirrsuutiini naaqumaciquq taumun cucukecetaalriamun.

Cuut Qaneryaraitgun Ikayuriyaraq

Cucukliryaraliurtet cingumait Alaska-rmiut cucukliryuumalriit cucukliryuumallratn un naaqumavkallratnun-llu cucuklillrit. Cucukliryaraliurtet paivcingnaqellrit qaneryaraitgun ikayuriyaraq nayvautnguuq matumun caliaritnun. Qaneryaraitgun ikayuriyaram maligtaqui Anguyagtem picirkiurai 1965-ami alerquutngurtellrem Cucukliryaram Piyunarquciutaini. Matum alerquutem Cucukliryaraliurtet alerquumai ikayungqevkararkaugai qaneryaraitgun Spanish-at, akmani ingqilit, Alaska-m Nakmiin Cuit, wallu-qa Cugngalnguaraat cucukliryuumalriit 5 percent-aq cipluku Kass’atun qitevteluaqerciigalkata.

Cucukliryaraam Piyunarqucian Alerquutaini Section 203-ami State of Alaska-m maligtaquarkaugai Alaska-m Nakmiin Cuin qaneryarait. December 2016-ami anguyagtem qanrutkellqaa Section 203-am kitugutii qaneryarat tungiitnun maniluki Kass’aunrilnguut qanercirnarqellrit nunarpamteni. Makut picirkiurat anguyagtem picirkiuraqai cimirarkauvkenateng wallu-qa ingluliurumarkauvkenateng. Cucukliryaraliurtem arcaqakluki Section 203-ami igauyngalriit qaneryarat civumeng caliaqarkauluki maligtaquluki anguyagtem picirkiurai. Qaneryarat nallunairumalriit nutarami Anguyagtem alerquuteliarin igauyngaviatni (Federal Register) section 203-kun picirkiurat Alaska-ami ukuugut: (Federal Register-aq paqciu):

Aleutians East Borough: Filipino, Hispanic, Yup’ik
Aleutians West Census Area: Aleut, Filipino
Bethel Census Area: Inupiat, Yup’ik
Bristol Bay Borough: Yup’ik
Dillingham Census Area: Yup’ik
Kenai Peninsula Borough: Yup’ik
Kodiak Island Borough: Yup’ik
Lake and Peninsula Borough: Yup’ik
Nome Census Area: Inupiat, Yup’ik
North Slope Borough: Inupiat
Northwest Arctic Borough: Inupiat
Southeast Fairbanks Census Area: Alaskan Athabascan
Valdez-Cordova Census Area: Alaskan Athabascan
Kusilvak: Inupiat, Yup’ik, Alaskan Athabascan
Yukon-Koyukuk Census Area: Alaskan Athabascan, Inupiat

Cakucineng qaneryaraneng ikayurituat Alaska-mi?


Alaska-m ikayuqengllerkiuraa qaneryaraitgun mumigcimalrianeng cucuklirrsuutetangqertuq nakmiin igaucimallret qaneryarat qanercirluki-llu cuuget qaneryaraitgun, qaneryarait nakmiin igauyngaksailnguut, Alaska-m Nakmiin Cuin qaneryaraicitun.

Akikiurat ikegliata pisqutneng-llu picirluni mumigcimalriit kalikat erinairat-llu qaqiteluaqaumanritut. Computer-ami keneglluku qaneryaran Cucukliryaraliurtem mumigtellrineng erinairaineng-llu qaneryaravkun unakiyuumauten.

Ilakluki qayagaurluteng mumigcistengqerrsuumallrat Cucukliryaram Erenrani, Cucukliryaraliurtet paivcituut qanercistekaneng aturluki cucuklirilriit mumigciyuumalrianeng cucukliryaurrnaluteng imirilrianeng piyunarquciumalrianeng calisteneng, mumigciyuumalrianeng-llu cucuklirvigni calisteneng, nunani-llu mumigcistengqerrnarqelriani calisteneng.

Cucukliryaraliurta cali pilituuq erinairaneng mumigtaneng cucuklillrem nallunritnarqellrineng cali VHF-akun wallu-qa niicugnissuutet nallunairutiitgun.

Mumigcisteneng ikayungcaryuumaut cucuklirinarivailgan, cucuklirnarikan, kinguakun-llu Alaska-m nakmiin cuin qaneryaraitgun, Pilip’iinatun wallu-qa Spanish-aatun. Mumigciyuumalriit cucuklirvigmi calistet ikayuryuumait cucuklitulit, wallu cucuklitulit ikayurteksullermeggnun ikayurcicuumaut cucukesstalriarunrilkan, calivimini ataneqenrilkuniu, calivimegni pistekenrilkaku, wallu union-aami pistekenrilkaku. Cucuklirilriim ikayurteksukii iteryuumauq imirivigmun cucuklirrsuutneng ikayuryarturluku cucuklituli cucuklillrani.