Yugutun mumigcistenek ukisqangcaryukuvet wall’ nallunritarkanek kangingnauryukuvet, tuqlurru 907-275-2323 wall’ 1-866-954-8683 (U.S.-aam iluani akiliryarailnguq qanercuutervik).

Yuut Qalarcaraitgun Ukisqillrit

Cucukliryaraliurtem Alaska-rmiut cucukliriyugngalriit cucukliryugngallratnun naaqumavkallratnun-llu cucuklirillrata cingumapiaraa. Cucukliryaraliurtem cucukliriyugngalriit qalarcaraitgun ukisqingqevkangnaqellrita cucukliriinanratni nasvagaa cingumacipiallranek. Makut ukisqingqengnaqevkautet maligtaqui Anguyagtem picirkiurai 1965-aami alerquutngurtellrem Cucukliriyaram Piyunarquciutai. Uum alerquutem Cucukliryaraliurtem¯un cucukliriyugngalriit qalarcaraitgun ukisngqevkararkaugai qalarcaraitgun Spanish-aatun, America-am Nakmiin Yuitun, Alaska-m Nakmiin Yuitun, wall’ Yugngalnguaraat qalarcaraicetun tallimanek kepnerita ellmegcetun qalarcugngalriit Kass’atun qitevteluaqerciigalkata

State of Alaska-q aciantuq Section 203-aaran Cucukliriyugngalriit Piyunarquciutiita Cucukliriyugngallrata Alaska-m Nakmiin Yuin qalarcaitnun. December 2016-aami anguyagta nutaranek 203-nek qalarcarat tungiitnun picirkiuranek paivcillruuq nallunairluki yuut ikgetenrulriit allani qalarcaraitgun ukisqiurnarqellriit Alaska-mi. Makut picirkiurat picirkiuraqai anguyagtem cimiumangaunateng wall’ ingluliurumangaunateng. Cucukliryaraliurtem arcaqakelarai Section 203-mi igausngalriit qalarcarat ciumek caliaqarkauluki maligtaqungnaqluki anguyagtem picirkiurai. Qalarcarat nallunairumalriit nutarami Anguyagtem alerquuteliarin igausngauviatni (Federal Register) section 203-kun picirkiurat Alaska-ami ukuugut: (Federal Register-aaq paqciu):

Aleutians East Borough: Filipino, Hispanic, Yup’ik
Aleutians West Census Area: Aleut, Filipino
Bethel Census Area: Inupiat, Yup’ik
Bristol Bay Borough: Yup’ik
Dillingham Census Area: Yup’ik
Kenai Peninsula Borough: Yup’ik
Kodiak Island Borough: Yup’ik
Lake and Peninsula Borough: Yup’ik
Nome Census Area: Inupiat, Yup’ik
North Slope Borough: Inupiat
Northwest Arctic Borough: Inupiat
Southeast Fairbanks Census Area: Alaskan Athabascan
Valdez-Cordova Census Area: Alaskan Athabascan
Kusilvak: Inupiat, Yup’ik, Alaskan Athabascan
Yukon-Koyukuk Census Area: Alaskan Athabascan, Inupiat

Qaillun Alaska-q ukisqiqenglarta yuut qalarcaraitgun?

Alaska-m ukisqaqengllerkiuraa yugnek qalarcaraitgun mumigcimalrianek kalikarcirluki nakmiin igaucimallret qalarcarat qanercirluki-llu yuut qalarcaraitgun qalarcarait nakmiin igausngaksailnguut, Alaska-m Nakmiin Yuin qalarcaraitestun.

Akikiurat ikgetellrata pisqutnek-llu picirluni mumigcimalriit kalikat erinairat-llu qaqiteluaqaumanritut. Computer-aami qalarcaran cucuklirluku Cucukliryaraliurtem piliarinek kalikanek mumigtanek erinairainek-llu qalarcaravkun unakiyugngauten.

Ilakluki Cucuklirillrata Erenrani qayagauluteng mumigcistengqerrsugngallrat, Cucukliryaraliurtem qanercistekilarai cucuklirilriit mumigciyugngalrianek cucukliryaurrnaluteng imirilrianek piyunarquciumalrianek calistenek, mumigciyugngalrianek-llu cucuklirvigni calistenek, nunani-llu mumigcistengqerrnarqellriani calistenek.

Cucukliryaraliurta cali pililartuq erinairanek mumigtanek cucuklirillermun nallunritnarqellrianek cali VHF-aakun wall’ radio-kun nallunairutetgun.

Mumigcistenek ukisqangcaryugngaut cucuklirinarivailgan Alaska-m nakmiin yuin qaneryaraitgun, Pilip’iinatun wall’ Spanish-aatun. Mumigciyugngalriit cucuklirvigmi calistet ukisqiryugngait cucuklitulit, wall’ cucuklitulit ukisqarteksullermeggnun ukisqircecugngaut cucukecetaalriarunrilkan, calivimini ataneqenrilkuniu, calivimi pistekenrilkaku, wall’ union-aami pistekenrilkaku. Cucuklirilriim ukisqarteksukii iteryugngauq imirivigmun cucuklircuutnek ukisqiryarturluku cucuklituli cucuklirillrani.

Qaillun ukisqiucugngasit?

Cucukliryaraliurta calistenglartuq mumigcistenek cucukliryarat allrakuatni cucuklitulit yugtun ukisqartekaitnek. Kass’atun qitevteluaqeryugngakuvet Alaska-m-llu nakmiin yuin iliita qalarcaraatgun, Pilip’iinatun, wall’ Spanish-aatun, mumigciyugngalriaruluten cucukliryaurrnaluteng imirilrianek ukisqirtenguyukuvet, mumigcistenguyukuvet wall’ cucuklirvigmi calistenguyukuvet tuqlurciu Caliviat Cucukliryaraliurtet avatevni caliamun imirarkangyukuvet Cucukliryaraliurtemun mumigcistenguyukuvet.